ਏਅਰ ਇੰਡੀਆ 1 ਸਤੰਬਰ ਤੋਂ ਦਿੱਲੀ-ਵਾਸ਼ਿੰਗਟਨ ਡੀਸੀ ਉਡਾਣ ਸੇਵਾ ਕਰੇਗੀ ਬੰਦ

ਏਅਰ ਇੰਡੀਆ ਨੇ ਐਲਾਨ ਕੀਤਾ ਹੈ ਕਿ 1 ਸਤੰਬਰ 2025 ਤੋਂ ਦਿੱਲੀ ਤੋਂ ਵਾਸ਼ਿੰਗਟਨ ਡੀਸੀ ਲਈ ਸਿੱਧੀ ਉਡਾਣ ਸੇਵਾ ਬੰਦ ਕਰ ਦਿੱਤੀ ਜਾਵੇਗੀ। ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਫ਼ੈਸਲੇ ਦੇ ਪਿੱਛੇ ਦੋ ਮੁੱਖ ਕਾਰਣ ਹਨ-26 ਬੋਇੰਗ 787-8 ਜਹਾਜ਼ਾਂ ਦਾ ਅਪਗ੍ਰੇਡ, ਜਿਸ ਕਾਰਨ ਕਈ ਜਹਾਜ਼ ਅਸਥਾਈ ਤੌਰ 'ਤੇ ਸੇਵਾ ਤੋਂ ਬਾਹਰ ਰਹਿਣਗੇ, ਅਤੇ ਪਾਕਿਸਤਾਨ ਦਾ ਹਵਾਈ ਖੇਤਰ ਬੰਦ ਹੋਣਾ, ਜਿਸ ਨਾਲ ਲੰਬੀ ਦੂਰੀ ਦੀਆਂ ਉਡਾਣਾਂ ਪ੍ਰਭਾਵਿਤ ਹੋ ਰਹੀਆਂ ਹਨ। 1 ਸਤੰਬਰ ਤੋਂ ਬਾਅਦ ਦੀਆਂ ਬੁੱਕਿੰਗ ਵਾਲੇ ਯਾਤਰੀਆਂ ਨੂੰ ਹੋਰ ਉਡਾਣਾਂ ਵਿੱਚ ਰੀਬੁੱਕਿੰਗ ਜਾਂ ਪੂਰੇ ਰਿਫੰਡ ਦਾ ਵਿਕਲਪ ਮਿਲੇਗਾ। ਯਾਤਰੀ ਇੰਟਰਲਾਈਨ ਭਾਈਵਾਲ ਏਅਰਲਾਈਨਜ਼ ਰਾਹੀਂ ਹੋਰ ਅਮਰੀਕੀ ਸ਼ਹਿਰਾਂ ਤੋਂ ਕਨੈਕਟਿੰਗ ਫਲਾਈਟ ਲੈ ਕੇ ਵੀ ਵਾਸ਼ਿੰਗਟਨ ਡੀਸੀ ਪਹੁੰਚ ਸਕਣਗੇ।